ඔබ ගෙදර එන්න
පහන් තරුව පායන විටවත්
ඔබ ගෙදර එන්න ...
කම් නැත මගෙ කුමරුවනේ
දෑස බොඳ වෙලා තිබුනට
මුව තැවරුණ දුම සුවඳයි
නිදිබර සුසුමෙන් සුසුමට
ආගිය තැන් නාසන්නෙමි
සංකා නොමගන්න ...
කම්පා නැත ලිය වත්සුණු
ඔබෙ වත තැවරී තිබුණට ..
නාඳුනනා කෙහෙ රැහැනක්
සළුපිලි අතරේ රැඳුනට .
මට නිදි මත නැත කුමරුණි
ඔබට බත බෙදන්න ....
තෝන්තුවා වෙන්න එපා
ගතම මැළවිලා තිබුණට ..
උණු දිය සනහා පිසදා
හිස පීරමි නිදියන විට ..
තවුසකු සේ සැතපෙනු දැක
මට හැක හිනහෙන්න ...
මේක වෙනස් විදියක කතාවක්...හරිම පුදුම ඒවගේම දුක හිතෙන....සැමියෙකුගෙ දුරස්ථ බවක් ඉවසන බිරිඳක් ...ගීත සාහිත්‍යයහි වැඩිපුර නොදකින නොඇසෙන ගැහැණියක් , බිරිඳක් මේ...කෙනෙකුට එකවරම පිළිගන්නට බැරි මේ කතාව පේලියෙන් පේලියට කියවද්දි හිතට දැනෙන්නෙ මහා බරක්...ඒ සැමිය ඔබ කියල පිරිසකටත් ඒ බිරිඳ ඔබ කියල පිරිසකටත් දැනේවි....
ඔබ ගෙදර එන්න
පහන් තරුව පායන විටවත්
ඔබ ගෙදර එන්න
කම් නැත මගෙ කුමරුවනේ
දෑස බොඳ වෙලා තිබුනට
මුව තැවරුණ දුම සුවඳයි
නිදිබර සුසුමෙන් සුසුමට
ආගිය තැන් නාසන්නෙමි
සංකා නොමගන්න .. .
පහන් තරුව පායන්නෙ අළුයම ...ඒ වෙනතුරු ඔහු ප්‍රමාදයි ..ඇය ඔහුගේ පමාව ඉවසනව. ..අවසානයෙදි ඔහු පැමිණෙනවා..බොඳවූ ඇසින් ..සිගරට් දුම රැඳුන මුවින් ..ඒත් ඇය ඒ සියල්ල ඉවසනව...රැයෙහි තබා දහවලේදීත් සැමියෙකුගෙ පමාව නොඉවසන බිරින්දෑවරු සිටින සමාජයක ආගිය තැන් නොවිමසා සංකා නොගන්නය යැයි පවසා ඇය ඔහුව පිළිගන්නවා ...
කම්පා නැත ලිය වත්සුණු
ඔබෙ වත තැවරී තිබුණට ..
නාඳුනනා කෙහෙ රැහැනක්
සළුපිලි අතරේ රැඳුනට .
මට නිදිමත නැත කුමරුණි
ඔබට බත බෙදන්න ....
ඔහු ආගිය ගමන් ගැන පැහැදියි...ඔහු සෙල්ලක්කාරයෙක්...ඔහු වත රැඳුන ලිය වත්සුනු , කෙහෙරැළි ඇය දකිනව...
පුදුමයක් ඇය ඒ සියල්ල ගනන් නොගෙන කියන්නෙ මොනවද...මට නිදිමත නැත කුමරුනි ඔබට බත බෙදන්න කියල.. හිත කීරි ගැහෙන මේ යෙදුමනම් ඔබව සංවේදි කරන්න ඇති...ඒක තමයි මට හිතෙන විදියට මේ ගීයේ ප්‍රබලම කොටස ..
තෝන්තුවා වෙන්න එපා
ගතම මැළවිලා තිබුණට
උණු දිය සනහා පිසදා
හිස පීරමි නිදියන විට ....
තවුසකු සේ සැතපෙනු දැක
මට හැක හිනැහෙන්න ...
ඔහු එන්නෙ හොඳ සිහියකින් නෙමෙයි..ඇය ඔහුට කවා පොවා අවසන හිසද පීරනවා...මහා දයාර්ද බවක් ...
මේ තරම් සල්ලාල කම් කොට අවසන ඔහු නිදියන්නෙ තවුසෙකු වගේ ...එය බලා ඇය හිනැහෙනව...සැනසෙනව..
අපට සිටිය ශ්‍රේෂ්ඨ ගීත රචකයෙකු වූ රන්බණ්ඩා සෙනවිරත්නයන් මේ ගීය ලිව්වෙ කාටද දන්නෙ නෑ ...බිරිඳකගේ සෙනෙහෙ ගියා යෝධ ඇලේ නැම්මේ කියල ලියපු අතින්ම ඔහු බිරිඳකගේ වරුණාව මෙලෙස ලියනව.. ඇත්තෙන්ම මේ වගේ බිරින්දෑවරු ඉන්නවද.. නැත්නම් මේ ඔහු බිරින්දෑවරුන්ට කල උපහාසාත්මක සරදමක්ද....
ඒක කොයි හැටි වෙතත් මා එක්කලා අමනාපව වී දබර , අකීකරු හිමියනේ මවක් සේ රකිමි ඔබ වැනි ගී වලත් මේ කතාව යන්තමින් ගෑවිලා තිබුණ...ගීතය සංගීතවත් කලේ ප්‍රේමසිරි කේමදාසයන් විසින්..විශාරද නීලා වික්‍රමසිංහයන් ගයනා මේ ගීතයෙහි තිබෙන්නෙ මොනවගේ චිත්‍රයක්ද කියල ඔබම හිතල බලන්න...එක්කෙනාගෙන් එක්කෙනාට වෙනස් විදිවලට පෙනුනත් මේක ඇතුලේ මහා මානුෂීය කතාවක් තියනව...
අපි ඒ කතාව කියවමු ....
- ජගත් ප්‍රසන්න කුරුගම -
jagathkurugama.blogspot.com
No comments:
Post a Comment