එක සිත දෙතැනක නතරවෙලා

එක සිත දෙතැනක නතර වෙලා...
ඔබේ සිතයි මගේ සිතයි
ඒ සිත එකම සිතක් වී
ඔබේ ලඟයි මගේ ලඟයි ඒ සිත
දෙතැනක නතර වෙලා ...

ලසෝ තැවුල් මැද ඔබ සැලෙනා විට
මගේ නෙතද වැලපේ
සිනා තෙපුල් මැද ඔබ සැනසෙන සඳ
මගේ සිතද සැනහේ ....

ඔබේ පැතුම මා පතනා ලොවමයි
අපේ සිතුම් සම වේ
ඔබේ මගේයැයි වෙනසක් නොහැඟෙයි
ඔබම යලිදු මම වේ ....


මේ ගීතය ඇහෙද්දි ඔබට මොනවද හිතෙන්නේ...සමහරවිට ඔබ මෙය දන්නවා වෙන්නත් පුළුවන්..සුන්දර ආදර ගීයක්..ඒත් සමහර අය මේ ගීතයෙ මුල් පේලිය වරද්දල තේරුම් ගන්නව..
සමහර ගීත රචකයො ගීත ලියද්දි ඒවයෙ තේරුම් සඟවල ලියනව...තව සමහරු තමන්ගෙ අත්දැකීමක් වෙනත් හැඩයකට පෙරලල ලියනව.. ඒව තේරුම් ගන්න නම් ඒ රචකය විසින්ම එහි ඇතුලෙ තියන කතාව රසිකයන්ට කියල දෙන්න ඕන..උදාහරණයක් වශයෙන් මාලිනී බුලත්සිංහල ගැයූ  " අනේ පුංචි කාලිදාස , කරුණාරත්න දිවුල්ගනේ ගැයූ  " දුරු කතර ගෙවාගෙන ආදී ගීත හදුනනවා දෙන්න පුළුවන්..

ආයිත් මුලට ආවොතින් ඉහත ගීතයේ මුල් පද මෙහෙමයි..

එක සිත දෙතැනක නතරවෙලා..

එහෙම වෙන්නෙ කොහොමද..ඒ කියන්නෙ එක පාරට දෙදෙනෙකුට ආදරය කරලද..තුන් කොන් ප්‍රේමයක්ද මේ...මෙන්න මෙහෙම හිතෙන්නෙ මේ ගීතයෙහි විශ්මයාර්ථ මුල් පේලිය නිසයි..
මේක තේරුම් ගනිද්දි පැටලිලි සහගත මුල් පේලිය අමතක කරන්න..දෙවෙනි පේලියෙ ඉඳල බලන්න.

ඔබේ සිතයි මගේ සිතයි දෙසිතම එකම සිතක් වී..

මෙතැනින් කියන්නෙ ඔබේ සිතයි මගේ සිතයි කියන දෙකම එකට එකතුවෙලා "එක සිතක්" නිර්මාණය වෙනව..හරියට වතුර බිංදු දෙකක් එකතුවෙලා එක වතුර බිංදුවක් හැදෙනව වගේ...

ඔබේ ලඟයි මගේ ලඟයි ඒ සිත දෙතැනක නතරවෙලා.

අන්න එහෙම හැඳුන ඒ   "එක හිත"  අපි දෙන්න ලඟම නතරවෙලා.. ඔන්න දැං අර මුලින් අමතක කරපු මුල් පේලියේ තියන සැඟවුන අරුත ඔබට තේරෙනව..එහෙම තමයි එක සිත දෙතැනක නතර වෙන්නේ ...
දැං අවුලක් නෑ...ඉදිරියට කියවද්දි තේරෙනව...මුලු ගීයම එකින් එක් වචන තේරුම් කරල දෙන්න ඕනෙ නෑ..හරි සරලයි...ඕන කෙනෙකුට ඉන් පස්සෙ හරිය තේරෙනව..ආයිත් හිර වෙනවනම් හිර වෙන්නෙ අග පද පේලියෙදි...

ඔබේ මගේයැයි වෙනසක් නොහැඟෙයි
ඔබම යලිදු මම වේ ..

වෙනසක් වෙන්නෙ විදියක් නෑ..මොකද දෙදෙනාගේම හිත් වලින් හැදුන එක සිතක් ආයෙ විභේදය වෙලා එකිනෙකා සතු වෙලා..ඉතිං කුමන තීරණ ගත්තත් වෙනසක් වෙන්නෙ නෑ...ඒව දෙදෙනාටම පොදුවෙලා. ඔන්න ඔය කතාව තමයි මේ ගීය පුරාවටම විහිදිලා තියෙන්නෙ...යමක් අමු අමුවෙ කියනවට වඩා වටේ ගිහිල්ල කියන එකෙත් මොන තරම් සුන්දරතාවයක් තියනවද බලන්න...

ඔබට  පුළුවන්  තවත් මේ වගේ ගීත් මතක් කරන්න..
පද පේළි චමත්කාරව ලිව්වෙ ගීත රචක කුලරත්න ආරියවංශ ..රොහණ වීරසිංහයන්ගෙ තනුවට ටී එම් ජයරත්න විසින් මේ ගීය ගැයුවෙ දශක දෙකකටත් එහා අතීතයකදි ...

jagathkurugama.blogspot.com
12/09/16