බස් නැවතුම

         - බස් නැවතුම -

පියනගනතුරු අවට ලොව වෙත
නිති රැඳීඋන් තැන
පාසලට පන්තියට ගමනෙක
යන්න ලැතැවුන තැන
ගෙවෙන මේ ජීවිතේ  මහමග
සෙවණ සැලසූ තැන
ඉන්න අකමැති එකල සිතුමුත්
දැන් හොඳයි ඒ තැන..

අම්ම අප්පා දෙදෙන දෙගමන
ගියපු මහ දුර ‍තැන
බලා ආපසු කොළඹ එන්නට
නතරවී උන් තැන
වහල උළු කොට බිත්ති අතරින්
ඈත බැලු ඒ තැන
ඉවසීම ගැන මුල් අකුරු කල
හැමට පොදුවූ තැන ...

සුවඳ තැවැරුන හිතවතුන්ගේ
සිනහ ඉහිරුණු තැන
වසර ගනනක් පසුපසට ගොස්
ඇයව දකිනා තැන
ගම එපාවී ගමෙන් ආ දා
මා නොතැක ආ තැන
උපන්දා සිට ආව ගිය
හැමවෙලේ නැවතුනු තැන ..

මටත් දවසක යන්න වෙනයම්
තැනක් නැතිවන තැන
ගිමන් හරිනට ගිමන්හල වන
මාරගහ යට තැන
යද්දි අන් අය උනුන් රිය නැග
මම බලාඋන් තැන
දුටුව සිහිනෙක විගස මේ ලෙස
මතක් විණි ඒ තැන..

    - ජගත් කුරුගම -