අම්මා

         
             - අම්මා - 

කැඩුණු  බිත්තියෙ පැරණි
මැටි මත
දුටිමි නුඹ අතැඟිලි සිහින් ..
වසර ගනනක් සැඟව හුන්
ඒ සලකුණක්
සොයමි මා අද අවදිවී
විත් මේ ලෙසින් ...
කිරි උරනකල සැපුණු මාතින්
කිරි කපද්දිත් කැපුණු නිතැතින්
දර කඩද්දීද රිදුන බෙහෙවින්
ගිලන් ඇඳ මත සොයපු විරියෙන් ...
එඅතැඟිලි අද සිඹිමි මා
අනේ මැටි බිත්තිය මතින්....
දැණුනි අද  මට එදා නොදැණුන
සෙනෙහසක් සටහන් තුලින් ...
හඩමි අද නෑසෙන්න මා
ඔබේ හිත නොරිදෙන ලෙසින්  ....
බලා සිටිනා බව දනී ඔබ
පමා  වූවත්  තවම  මං ..
පමා  වූවත්  තවම  මං ...

      - ජගත් කුරුගම -