ඉන් පසු.

- ඉන් පසු -

කවදාද ඔබ ආයේ
දකින්නේ පෙර වගේ
හීන් සීරිපොද අහස
හඩනවද මේ උදේ
මට තාම අමතකව ගියේ
නැති මතකයේ
එපා ආයෙත් එන්න සුවඳ
පෙරදා  ඔබේ ...

සිත නැමති මතක පොත
කොහේදෝ දුර ඈත
සිට සෙමින් පාවෙලා
බොඳකලා නෙතු දෑල
අසම්මත කාළයක පිපුන
සීතල මලෙක
පාට හරියට
කියවගන්නනම් බැහැ තාම ....

සසලවී ගැලූ දා නිසොල්මන්
ගඟ දෝර
අමතකව නැහැ තාම
හිතට ආ - ගිය වාර
අසුරු සැනෙකින් මිදුන
සරුංගයක් අහස
ලෙස ඇදී ගියේ ඇයි
පවසන්න ඒ රහස ...

jagathkurugama.blogspot.com